الجمعة، 22 أكتوبر، 2010

سمك بولطى مشوى بالخضار

اولا المقادير :

فلفل

طماطم

بصل

جزر

بقدونس (زى ماتحبى)

كسبره خضراء (زى ما تحبى)

ثوم

ملح وفلفل وكمون وببريكا

وسمك بولطى

رده





ثانيا الطريقه :



بنغسل السمك كويس من غير ما يتقشر بس يتفتح ويتنظف كويس جدا

بنقطع الخضار كله طويل ورفيع مش قوى متوسط


بنفرم الثوم مع الكمون والملح والفلفل والببريكا وبنضفهم للخضار وبنقلبهم كويس اوى


بنحشى السمك بالخضار ونغطيه بالرده زى السمك المشوى العادى

ونكون مسخنين الفرن جدا وعلى الصاجه نضع السمك ونسيبه يستوى براحته مع مراعاه اتقليب


وباقى الخضار بنحط نقطه زيت فى حله صغيره ونحط عليه الخضار مع كميه من الماء ونسيبه يتشرب الماء





*ملاحظه :

الاكله دى من انا اللى عملاها من دماغى وبجد طلعت طعمها حلو جدا جدا جدا فالو حد عنده اى استفسار انا جاهزه للرد عليه

ويارب تعجبكم وبالهنا والشفا







ردود الأفعال:

5 التعليقات:

  1. معلش يا رسالتي
    يعني ايه " والببريكا "
    ثانيا بيحيكي علي الإبتكار
    أنا اخر حاجة بكلها في السمك سمك محشي سلطة طماطم وبصل متبلين .

    ردحذف
  2. صباح الفل يا حبى
    وصفه جميله انا فعلا عملتها بس من غير الكسبره الخضره والبيريكا اللى انا معنديش فكره عنها دى
    تحياتى لمجهودك يا قمر

    ردحذف
  3. mr.president
    الببريكا نوع من انواع التوابل هى عباره عن فلل احمر بس مطحون ومش حراء بتدى طعم وراحئه خطيره
    ومعلش جرب النوع ده من السمك هيعجبك اوى اوى
    ونورتنى

    ردحذف
  4. مرمر
    بالهنا والشفا ياجميل ويارب تكون عجبتك
    ونورتينى يا قلبى

    ردحذف