الاثنين، 26 أبريل، 2010

جميل ان يكون ليك صديق




جميل ان يكون ليك صديق بس يبقى سرك ويخاف عليك


وانا ليا صديقه من تلاته ابتدائى يعنى كنت صغيره كبرنا فى نفس المدرسه


وكلنا وشربنا مع بعض كنت بحبها جدا جدا عمرى ماعملتها حاجه تزعلها


خلاصنا فتره الدراسه فى المدرسه ودخلنا ثانوى كل واحده فينا راحت مدرسه كان نفسى اكون معها د


بس مكنش ينفع بسبب المجموع مفتكرش انى خرجت معاها غير مره واحده وكلمتها 4مرات بس فى كل مره كنت بحس ان قلبى هيقف من كتر الفرحه مكنتش عايزه اقفل معاها التليفون وكل ماكنا نقرب من بع ديجى مامتها تقولها متكلمهاش تانى


مع انى ولله العظيم معملت حاجه وحشه فيها ولا اذتها ولا حتا كرهت مامتها كان بيجى عيد ميلادى عمرها ماقالت كل سنه وانتى طيبه


ولا كانت بتكلمنى فى التليفون وفى يوم حاسيت رغم اللى هيا عملاه فيا الت ادور عليها على الفيس بوك انا عرفه ان بتدخل على النت واكيد ليها اكو نت دورت عليها وفرحت اوى لما لاقيتها بعتلها رساله ان احنا نرجع اصدقاء من تانىفضلت مستنيه ३ ايام مردتش عليا ساعتها حاسيت انى مش فارقه معاه انها تكلمنى وبعدها لاقيتها كاتبه على الوال انها هتعمل ديلت لللاكونت بتاعها


بس التاريخ قبل رسالتى قلت لنفسى يارتنى دورت عليها وبعت الرساله من زمان كانت ارتها وردت عليا نفسى اعرف اعمل ايه


ونرجع اصحاب تانى مع العلم انى كل مااكلمها فى البيت بلاقى مامتها ترد عليا وتقولى هى مش مووده ولما تيجى هقولها بس اكيد مش بتقولها او بتقولها متكلمهاش نفسى نرجع اصحاب ونفسى مامتها تعرف ان عمرى ماهأذى بنتها مع انى ولله بصلى وبخاف اعمل اى حاجه تغضبه وبخاف على اصحابى جدا وعلى اى حد حتى لو معرفهوش تفتكرو هأذى افضل صديقه لياادعولى اننا نرجع اصحاب من تانى








الخميس، 22 أبريل، 2010

نايمه وعايزه اصحى ومش عايزه اصحى


عمرها حصلتلك دى وانتا نايم زى الملاك وبتحلم حلم حلو اوى

ونفسك تفضل نايم علشان تكمل الحلم وتشوف ايه نهايته اللى على

اسسها ممكن تستنى اليوم اللى يجى يتفسر فيه الحلم ده وفجأه وبدون

مقدمات تيجى ماتتك تصحيك علشان تروح المدرسه او الجامعه او الشغل

علشان لو اتأخرت هتترفد من الشغل او مش هدخل المدرسه او هطيع عليك المحاضره فى الجامعه

ومامتك كل شويه عماله تقولك اصحى وانتى مش عايز ترد علها علشان تكمل الحلم ولو رديت ثوانى يا ماما

وتفضل نايم تروح ماممتك بعد ماتزهق تروح جايه فاتحه ستاير اوطتك وتقولك اقوم يا بنى الشمس طلعت

وانتا بردو نايم ونفسك ممتك تفهم وتسكت المهم تكمل الحلم مهو هو ده اللى بنشوف فيه حاجه كويسه

تروح ماممتك بعد ما تزق تجيب الشبشب او اى حاجه فى ايدها وترزعك بيها على دماغك

المهم تصحى فى الاخر وانتا قرفان وزقان ومش عايز حد يكلمك مهوضاع منك حلم زى مايكون بعد ماتكمله هتبقى رئيس جمهوريه

ولو ماممتك فهمت وسابتك تقوم منتعش وكلك حياويه وفرحه الدنيا مش سيعاك

اه بقا لو بتحلم بكابوس وحش جدا ونفسك حد يجى يصحيك وانتا مش قادر تقوم تحس ان الكابوس لازقك فى السرير

ولو قمت مفزوع طبعا وبعدها تمام تانى يتحلم بنفس الكابوس اوحد بيضربك او طلعلك تعبان ومصمم يبلعك

وانتا يا غلبان لعبه فى ادين الكابوس يعمل فيك اللى هو عايزه ولو صحيت تانى تصمم انك متنمش طول الليل

وتفضل صاحى وكل ده علشان خاطر الكابوس

الأربعاء، 21 أبريل، 2010

ماتت


انهاردا الصبح صحيت على تليفون من بنت عمى بتعيط وبتقولى
صحبتى ماتت حسيت انى اتشليت مبقتش قادره ارد عليها
وانا سامعها بتعيط ومنهاره قولتها ماتت ازاى قالتلى مامتها جت تصحيها الصبح لاقتها ماتت
قلتها عندها كام سنه انا افتكرتها كبيره قالتلى وكانت صدمه 18سنه
اه انا بسمع ان ناس بتموت فى السن ده بس مكنتش اتوقع حد اعرف يموت فى السن ده
هديتها شويه وقفلت معاها وبعد ماقفلت اعدت اكلم نفسى يترى انا هموت صغيره
ولا لما اكبر ويترى لو مت هقابل ربنا بأيه يترى هيسامحنى على زنوبى انا عرفه ان ربنا كبير وعظيم
وبرحمته بيسامح ......بس فيه عقاب يترى هدخل النار ولا هدخل الجنه يترى اليوم ده هيكون شكله ايه

الأربعاء، 7 أبريل، 2010

راديو نجوم اف ام


الاثنين، 5 أبريل، 2010

سجل الزوار

قول رايك بصراحه فى المدونه وايه اكتر حاجه بتعجبك فيها وانت عايز ايه يكون موجود فى المدونه
وايه اكتر حاجه مش حاببها فى المدونه ومش عايزها تكون موجوده فيها