السبت، 22 مايو 2010

قبل الجواز .......بعد الجواز


قبل الجواز
الرجل يجيى بنده عللى خطيبته
يا حببتى- يا البى- يا نور عينى
البنت بقه تجيى تنده على حبيبها
يا حبيب البى وبتولها بدلع تخليه يدوخ
الرجل يجى يطلب منها طلب
بعد ازنك ممكن ........
البنت تجى تطلب اى طلب
من فضلك يا حبيبى ممكن...........
الرجل وهما خارجين مع بعض
لازم يعمل فيها الواد الجنتل لازم يأنكجها وبيتمنا ان هي تطلب اى حاجه مجرد لما تشاور تيجى على طول
البنت
تعمل فيها تقيله ومينفعش يمسك اديها غير بعد الجواز ومتطلبش حاجه منه بس لو بتتفرج على فتارين ملابس وعجبها تفضل واقفه علشان هو ياخد باله ان الحاجه دى عجباها ويشتريها
وهما بتفرجو على التليفزين
الرجل
مشغل الفيدو كليب وكل مايشوف بنت ولا كأنه شايف حد كأنه قاعد جمب باريس هيتلون
البنت
تامر حسنى وحماقى موجودين وهى ولاكأنها شيفاهم توم كروز قاعد جمبها


قبل النوم
الرجل
لازم يكلمها كل يوم علشان يقولها تصبحى على خير
البنت
تفضل مستنيه مكالمه التليفون واه لو متكلمش تفضل صاحيه طول الليل تفضل تعيط
بعد الجواز
بعد الجواز الرجل لازم يدبح لمراته القطه وهى لازم توريه العين الحمرا
يجى ينده على مراته
انتى يا وليه انتى رحتى فين
البنت
انتا يا خويا _انتا يا راجل
الرجل يجى يتطلب منها طلب
متقومى تعملى .......يعنى هتقومى امال انا جيبك ليه مش علشان تخدمينى انا راجل البيت ولازم تسمعى كلامى من اول مره
البنت
من غير تفاهم هتعملى الى انا عوزاه كله امال انا متجوزاك ليه مش علشان تصرف عليا وتجبلى كل اللى انا عوزاه
وهما خارجين مع بعض
الرجل
يمشى قدمها ولا كأنه ساحب معه جربانه وتيجى تطلب حاجه لالالا ولو اشتراها يشتريها وهو زهقان وقرفان
البنت
عوزاه يأنكجها علشان تبين قدام الناس ان هما اسعد زوجين فى العاام ومدش زيهم ، وكل حاجه تشوفها تبقه عايزه تشتريها زيى ميكون خلاص هتموت بعده
وهما بتفرجو على التليفزين
الرجل
بتفرج طبعا على هيفاء ونانسى وروبى وعمال يقول ليها شايفه الستات مش انتى
البنت
بتتفرج على تا مر حسنى وحماقى وفادى اندورس وبقول ليه اهى هى دى الرجاله مش انتى ..........
قبل النوم
الرجل
رجليه مش نضيفه وطالع على السرير تيجى تكلمه ولا كأنه سامعها ،ومافيش حتا كلمه تصبحى على خير
البنت
عمله بكر فى شعرها وهدومها ريحتها بصل وتوم من الطبيخ

3 التعليقات:

  1. ياعينى ياعينى
    الصوره النهائيه لكل الأزواج

    ربنا يسترها علينا

    ردحذف
  2. ميرايتى
    هى فعلا الصوره النهائيه بس الصوره السلبيه فى نفس الوقت
    ونورتينى يا البى

    ردحذف
  3. عزيزتي الرقيقه رسالتي
    عجبني كلامك جدا وتقريبا هو ده اللي بيحصل للاسف

    مدونتك جميله ومفيده أوي
    بأتمنالك التوفيق يا أرق بنوته
    وبتمني التواصل دايمابنا يا قمر

    ردحذف